بھارت نے پاکستان سے مذاکرات کی تردید کردی

بھارت نے پاکستان سے مذاکرات کی تردید کردی
بھارت نے پاکستان سے مذاکرات کی تردید کردی

  


اسلام آباد(ڈیلی پاکستان آن لائن)بھارت نے پاکستان سے مذاکرات کی تردیدکردی،بھارتی وزارت خارجہ نے کہا ہے کہ نئی دہلی پاکستان کے ساتھ مذاکرات کیلئے تیار نہیں ،پاکستان کے ساتھ مذاکرات کرنے کی آمادگی ظاہر نہیں کی ۔

نجی ٹی وی ہم نیوز کے مطابق بھارت نے پاکستان سے مذاکرات کی تردیدکردی،بھارتی وزارت خارجہ نے کہا ہے کہ نئی دہلی پاکستان کے ساتھ مذاکرات کیلئے تیار نہیں ،پاکستان کے ساتھ مذاکرات کرنے کی آمادگی ظاہر نہیں کی ۔ترجمان بھارتی وزارت خارجہ کا کہنا ہے کہ وزیراعظم مودی اور وزیر خارجہ نے خطوط میں مذاکرات کا ذکر نہیں ،خطوط میں ہمسایہ ممالک سے اچھے تعلقات کا کہا گیا ہے،مذاکرات کے بارے میں خطوط میں ذکر نہیں کیاگیا۔

بھارتی وزیر خارجہ کے ترجمان رویش کمار نے اس سلسلے میں کئے گئے سوالات کا جواب دیتے ہوئے کہا کہ ’مروجہ سفارتی روایت کے تحت وزیراعظم اور وزیر خارجہ نے پاکستانی ہم منصبوں کی جانب سے موصول ہونے والے تہنیتی پیغامات کا جواب دیا‘۔ان کا کہنا تھا کہ نریندر مودی نے جوابی خط میں لکھا کہ ’دہشت، تشدد اور عداوت سے پاک اعتماد کی فضا قائم کرنا نہایت ضروری ہے‘ اور وزیر خارجہ نے بھی تشدد اور دہشت کے سایے سے محفوظ ماحول کی ضرورت پر زور دیا۔اس پر ان سے سوال کیا گیا کہ کیا ان خطوط میں مذاکرات کے حوالے سے کوئی بات کی تو ترجمان دفتر خارجہ نے تردید کرتے ہوئے کہ ’اس میں ایسی کوئی بات نہیں تھی‘۔

واضح رہے کہ قبل ازیں میڈیا پر خبریں گردش کررہی تھیں کہ بھارت نے پاکستان کے ساتھ مذاکرات پر آمادگی ظاہر کردی ہے۔

مزید : اہم خبریں /قومی /علاقائی /اسلام آباد