شہریار آفریدی نے کرونا وائرس کو شکست دے دی

شہریار آفریدی نے کرونا وائرس کو شکست دے دی
شہریار آفریدی نے کرونا وائرس کو شکست دے دی

  

اسلام آباد(ڈیلی پاکستان آن لائن) وفاقی وزیر شہریار آفریدی نے کرونا وائرس کو شکست دے دی۔

تفصیلات کے مطابق وفاقی وزیر شہریار آفریدی نے سماجی رابطے کی ویب سائٹ ٹویٹر پر اپنے پیغام میں بتایا کہ وہ کرونا سے صحت یاب ہوچکے ہیں۔

شہریار آفریدی نے لکھا کہ ’کرونا ٹیسٹ بیماری کے 24 روز بعد منفی آیا ہے، تجربہ یہ ہے کہ وہ وقت بہت تکلیف دہ تھا۔شہریار آفریدی نے بیماری کے دوران دعا کرنے والے افراد کا شکریہ بھی ادا کیا۔

واضح رہے کہ شہریار آفریدی میں گزشتہ ماہ کے آخر میں کرونا وائرس کی تشخیص ہوئی تھی اس سے قبل تحریک انصاف کے رہنما خرم شیر زمان، سپیکر خیبرپختونخوا اسمبلی مشتاق غنی سمیت متعدد اراکین اسمبلی کرونا کا شکار ہوچکے ہیں۔

خیال رہے کہ شہریار آفریدی میں 29 مئی کو کرونا وائرس کی تصدیق ہوئی تھی، ان کی اہلیہ اور ان کے گھر کے 2 ملازمین میں بھی کرونا وائرس کی تصدیق ہوئی تھی۔

مزید :

اہم خبریں -قومی -علاقائی -اسلام آباد -کورونا وائرس -