بارشوں سے دریاؤں میں پانی کے بہاؤ میں اضافہ ہوگیا 

بارشوں سے دریاؤں میں پانی کے بہاؤ میں اضافہ ہوگیا 

  IOS Dailypakistan app Android Dailypakistan app


 کراچی(اسٹاف رپورٹر)ملک بھر میں ہونے والی بارشوں سے دریاؤں میں پانی کے بہاؤ میں اضافہ ہوگیا جس سے آبی قلت کا شکار صوبوں میں پانی کا بحران ختم ہوجائے گا۔انڈس ریور سسٹم اتھارٹی(ارسا)ذرائع نے بتایاکہ حالیہ بارش سے دریاؤں میں پانی کے بہاؤ میں اضافہ ہوا ہے، صوبہ سندھ میں پانی کا بحران چند دن میں ختم ہوجائے گا۔ذرائع ارسا نے کہاکہ دریائے سندھ میں تربیلا ڈیم میں پانی کی آمد 1 لاکھ 16 ہزار کیوسک ہوگئی، ڈیم میں چند دن قبل پانی کا بہا ؤ65 سے 70 ہزار کیوسک تھا۔ارسا کے مطابق تربیلا ڈیم سے پانی کا ریلا آئندہ ہفتے گڈو بیراج میں داخل ہوگا۔چشمہ بیراج پر پانی کی آمد 1 لاکھ 27 ہزار کیوسک ہوگئی، منگلا ڈیم میں پانی کی آمد 33 ہزار 400 اور اخراج 25 ہزار 500 کیوسک ہے۔ارسا کے مطابق دریائے چناب میں ہیڈ مرالہ پر پانی کی آمد 33 ہزار 600 اور اخراج 23 ہزار 700 کیوسک ہے۔