پائلٹ پرندوں سے خود نمٹیں، سول ایوی ایشن اتھارٹی کی پائلٹس کو "نرالی ہدایات"

پائلٹ پرندوں سے خود نمٹیں، سول ایوی ایشن اتھارٹی کی پائلٹس کو "نرالی ہدایات"
پائلٹ پرندوں سے خود نمٹیں، سول ایوی ایشن اتھارٹی کی پائلٹس کو

  IOS Dailypakistan app Android Dailypakistan app

کراچی(این این آئی)پاکستان سول ایوی ایشن اتھارٹی(سی اے اے) نے نرالی منطق پرعمل کرتے ہوئے جہاز کے کپتانوں کو انوکھی ہدایات جاری کردی ہیں۔علامہ اقبال انٹرنیشنل ایئرپورٹ پر پرندوں کی موجودگی طیاروں کیلئے خطرے کی گھنٹی بج گئی، لاہور ایئر پورٹ پر رن وے اور اطراف میں پرندوں کا منڈلانا سول ایوی ایشن کیلئے مسئلہ بن گیا۔اس حوالے سے ذرائع نے بتایاکہ سول ایوی ایشن حکام نے ایئرپورٹ کے اطراف اور رن وے پر پرندے بھگانے کے بجائے کپتانوں کو احتیاط برتنے کی ہدایت کردی۔ذرائع کے مطابق سول ایوی ایشن حکام نے کہا کہ مون سون کا موسم ہے، رن وے اور اطراف پرندوں کی تعداد میں غیرمعمولی اضافہ ہورہا ہے، ملکی وغیرملکی ایئرلائن لینڈنگ اور ٹیک آف کے دوران خود ہی احتیاطی تدابیر اختیار کرلیں۔اس سلسلے میں سول ایوی ایشن اتھارٹی نے ہدایت نامہ جاری کردیا ہے۔ حکام کے مطابق  ایئرپورٹ کے اطراف ہوٹلوں اور کچرا کنڈیوں کے باعث جابجا پرندے منڈلاتے ہیں۔ ضلعی انتظامیہ کو تحریری آگاہ کرنے کے باوجود کوئی اقدام نہیں اٹھایا جارہا، رواں ہفتے کے دوران3 جہازوں سے پرندے ٹکرانے کے واقعات رونما ہوئے جس سے طیاروں کو نقصان پہنچا۔

مزید :

اہم خبریں -قومی -