وزارت مذہبی امور نے حج کے دوران35 پاکستانی حجاج کے انتقال کی تصدیق کر دی

وزارت مذہبی امور نے حج کے دوران35 پاکستانی حجاج کے انتقال کی تصدیق کر دی
وزارت مذہبی امور نے حج کے دوران35 پاکستانی حجاج کے انتقال کی تصدیق کر دی

  IOS Dailypakistan app Android Dailypakistan app

اسلام آباد(ڈیلی پاکستان آن لائن) وزارت مذہبی امور نے حج 2024 کے دوران  35 پاکستانی حجاج کے انتقال کی تصدیق کر دی، شہید ہونیوالے حاجیوں کے ورثاء کی مرضی سے ان کی تدفین سعودی عرب یا پاکستان میں کی جائے گی۔ ڈائریکٹر جنرل حج مشن عبدالوہاب سومرو کے مطابق جون 18 سہہ پہر 4 بجے تک مشاعر میں پاکستانیوں کی 9 اموات ہوئیں، جن میں 4 منی، 3 عرفات اور 2 مزدلفہ میں اموات ہوئیں۔ انہوں نے بتایا کہ 20 پاکستانی حجاج کی اموات مکہ اور 6 کی مدینہ میں ہوئی۔

ترجمان وزارت مذہبی امور کا کہنا تھا درجہ حرارت 50 ڈگری ہونے کے سبب یہ ایک مشکل حج تھا،عازمین کو بے یارومددگار چھوڑنے کے سوشل میڈیا پر الزامات بے بنیاد ہیں، ہم سعودی حکومت کی مہیا کردہ معلومات پر بھروسہ کرتے اور بعد ازاں خود بھی تصدیق کرتے ہیں۔انہوں نے کہا کہ کسی بھی حاجی کی وفات ہونے کی صورت میں ہمیں اطلاع دی جاتی ہے۔ سعودی حکومت نے ایک نظام مرتب کیا ہوا ہے جس کے تحت ورثاء سے باقاعدہ تدفین کی اجازت مانگی جاتی ہے اور پھر میت کو غسل دے کر حرمین میں نماز جنازہ ادا کر کے تدفین کی جاتی ہے، یا پھر وارثین کی خواہش کے مطابق کسی حاجی کی میت پاکستان پہنچانے کے انتظامات کیے جاتے ہیں۔وزارت مذہبی امور نے مزید کہا کہ سعودی حکومت ان معاملات میں ہمارے ساتھ تعاون کرتی ہے۔

مزید :

قومی -