کورونا وائرس، وزیراعظم عمران خان نے افغان بہن بھائیوں کیلئے بڑا اعلان کر دیا

کورونا وائرس، وزیراعظم عمران خان نے افغان بہن بھائیوں کیلئے بڑا اعلان کر دیا
کورونا وائرس، وزیراعظم عمران خان نے افغان بہن بھائیوں کیلئے بڑا اعلان کر دیا

  



اسلام آباد (ڈیلی پاکستان آن لائن )وزیراعظم عمران خان نے چمن میں پاک افغان سرحد کھولنے کا حکم جاری کر دیاہے ۔

تفصیلات کے مطابق وزیراعظم عمران خان نے سماجی رابطوں کی ویب سائٹ ٹویٹر پر پیغام جاری کرتے ہوئے کہا کہ کورونا وائرس کے باوجود افغان بہن بھائیوں کی مدد کیلئے پر عزم ہیں ، بحران کے وقت میں افغانستان کے ساتھ کھڑے ہیں ، سرحد کھولنے ، ٹرک افغانستان جانے کی اجازت دینے کی ہدایات جاری کر دی ہیں ۔

گزشتہ 24 گھنٹوں کے دوران ملک بھر میں کورونا وائرس کے نئے کیسز سامنے آنے کے بعد مریضوں کی تعداد 451 ہوگئی جب کہ سیکڑوں کیسز مشتبہ ہیں۔دنیا بھر کی طرح پاکستان میں بھی کورونا وائرس کی تباہ کاریاں جاری ہیں، اب تک ملک بھر میں اس وائرس سے 2 افراد کے جاں بحق ہونے کی تصدیق کی جاچکی ہے۔ سندھ میں کورونا وائرس کے سب سے زیادہ 245 کیسز رپورٹ ہوئے ہیں، خیبر پختونخوا میں کورونا مریضوں کی تعداد 25 ، پنجاب میں 80، بلوچستان میں 81، اسلام آباد میں 5، گلگت بلتستان میں 23 ہوگئی جب کہ آزاد کشمیر میں ایک مریض زیر علاج ہے۔

مزید : اہم خبریں /قومی