کسٹم حکام کی کارروائی،شارجہ سے  آنیوالے مسافر سے 600 موبائل فون برآمد

 
اسلام آباد(آئی این پی)شارجہ سے آنیوالے مسافر سے 600موبائل فون برآمد کرلئے گئے،ملزم سے موبائل اسیسریز اور کاسمیٹک مصنوعات کی بھاری مقدار بھی برآمد ہوئی ہے۔ نجی ٹی وی کے مطابق  اسلام آباد انٹرنیشنل ائیرپورٹ پر کسٹم حکام نے کارروائی کرتے ہوئے  کروڑوں روپے مالیت کی موبائل فونز کی کھیپ پکڑلی۔ کسٹم حکام کے  مطابق کارروائی میں شارجہ سے اسلام آباد آنے والے مسافر سے 600 موبائل فون برآمد ہوئے ہیں۔اے سی کسٹم نے اس حوالے سے بتایا کہ کسٹم ٹیم نے شارجہ سے آنے والی فلائٹ کے مسافر سے 600 موبائل فونز اور دیگر سامان بھی برآمد کیا، برآمد شدہ سامان میں بڑی تعداد میں آئی فونز بھی شامل ہیں جن کی مالیت کروڑوں روپے ہے۔ملزم کے قبضے سے موبائل فون کے علاوہ موبائل اسیسریز اور کاسمیٹک مصنوعات کی بھاری مقدار بھی برآمد ہوئی ہے، ملزم نجی ائیرلائن کی فلائٹ نمبر پی اے 613 پر شارجہ سے اسلام آباد کا سفر کر رہا تھا، ملزم کی شناخت شہزاد کے نام سے ہوئی ہے، اور اس کا تعلق خیبرپختونخوا کے ضلع مردان سے ہے۔
 فون برآمد