”پارٹی وفاداری تبدیل کرنے میں عمران خان کو اپنا استاد مانتاہوں کیونکہ۔۔“پی ٹی آئی کے ایک اور رہنما کھل کر عمران خان کے خلاف میدان میں آ گئے

”پارٹی وفاداری تبدیل کرنے میں عمران خان کو اپنا استاد مانتاہوں کیونکہ۔۔“پی ...
”پارٹی وفاداری تبدیل کرنے میں عمران خان کو اپنا استاد مانتاہوں کیونکہ۔۔“پی ٹی آئی کے ایک اور رہنما کھل کر عمران خان کے خلاف میدان میں آ گئے

  IOS Dailypakistan app Android Dailypakistan app

لاہور(ڈیلی پاکستان آن لائن )پاکستان تحریک انصاف کے منحرف رکن قومی اسمبلی احمد حسن ڈیہڑ کا کہنا ہے کہ پارٹی وفاداری تبدیل کرنے میں عمران خان کو ہی اپنا استاد مانتا ہوں۔
نجی ٹی وی جیو نیوز سے گفتگو کرتے ہوئے پی ٹی آئی ایم این اے ملک احمد حسن ڈیہڑ کا کہنا تھا کہ عمران خان نے ن لیگ کے 12 ایم پی ایز سے مل کر وفاداری تبدیل کرنے کی بنیاد رکھی تھی۔احمد حسن ڈیہڑ کا کہنا تھا کہ خان صاحب نے کہا دوسری پارٹی کے لوگوں کو ساتھ ملا رہا ہوں، دوسری پارٹی کے لوگوں کو ملانا ہارس ٹریڈنگ نہ سمجھا جائے، پارٹی تبدیلی کے لیے عمران خان کو استاد مانتا ہوں۔انہوں نے مزید کہا کہ مسلم لیگ ن کے لوگوں سے عمران خان ملیں تو کہتے ہیں وکٹ گرا دی۔
پی ٹی آئی رکن قومی اسمبلی کا مزید کہنا تھا عمران خان کہتے ہیں آٹے، دال میں نہ الجھاو¿، بین الاقوامی امور دیکھنے دو، عمران بتائیں، ابھی تک ایف اے ٹی ایف سے کیوں نہیں نکل سکے۔احمد حسن ڈیہڑ کا مزید کہنا تھا خان صاحب آپ کی کامیابی کے جھنڈے ہم نے بہت دیکھ لیے ہیں، عمران خان کی شکل نہیں، نظریہ دیکھ کر آئے تھے۔
انہوں نے کہا کہ وزیر خارجہ شاہ محمود قریشی شروع سے ہی مائنس ون کے دلدادہ ہیں، شاہ محمود قریشی کو لابنگ کرنے پر ہی زرداری صاحب نے نکالا تھا، شاہ محمود اب بھی مائنس ون کی پالیسی پر کام کر رہے ہیں۔تحریک انصاف کے منحرف رکن قومی اسمبلی کا یہ بھی کہنا تھا حالات سے لگتا ہے کہ حکومت کو جہانگیر ترین کی بد دعا لگی ہے، جہانگیر ترین اور علیم خان پر بڑے ظلم کیے گئے۔
اس سے قبل ایک اور منحرف رکن اسمبلی عبدالغفار وٹو نے اپنے ویڈیو بیان میں کہا تھا کہ مجھ پر سندھ ہاو¿س جانے اور پیسے لینے کا الزام لگایا گیا، کبھی سندھ ہاو¿س گیا ہی نہیں اور رشوت لینے اور دینے کو حرام سمجھتا ہوں۔

مزید :

قومی -