نیوزی لینڈ کرکٹ ٹیم کا دورہ پاکستان کا شیڈول تبدیل ، اب میچز کہاں اور کب کھیلے جائیں گے ؟ جانیے
لاہور (ڈیلی پاکستان آن لائن )نیوزی لینڈ کرکٹ ٹیم کا دورہ پاکستان کا شیڈول تبدیل ہو گیاہے ، پاکستان اور نیوزی لینڈ کے بورڈ نے تبدیلی پر اتفاق کر لیاہے ۔
پاکستان کرکٹ بور ڈ کی جانب سے جاری کر دہ اعلامیے میں کہا گیاہے کہ دورے میں 5ٹی ٹوینٹی اور 5 ون ڈے میچز کھیلے جائیں گے ،نیوزی لینڈ کی ٹیم پہلے لاہور آئے گی 14 اپریل سے 17 اپریل تک ٹی ٹوینٹی کھیلے جائیں گے ، 2 ٹی ٹوینٹی میچز اور1 ون ڈے میچ 20 سے 26 اپریل کو راولپنڈی میں ہو گا ، 4 ون ڈے میچز کراچی میں کھیلے جائیں گے ۔
پہلے شیڈول کے مطابق سیریز کا آغا ز کراچی سے ہونا تھا پھر لاہور اور اختتام راولپنڈی میں طے تھا ، ون ڈے میچز سے پاکستان ٹیم کو ایشیاء کپ اور ورلڈ کپ کی تیاریوں کا موقع ملے گا، ٹی ٹوینٹی ورلڈ کپ 2024 کیلئے ٹیم کو ری بلڈ کرنے کے عمل میں معاونت ملے گی ، لاہور میں ٹی ٹوینٹی میچز 14، 15 اور 17 اپریل کو ہوں گے ، راولپنڈی میں ٹی ٹوینٹی میچز 20 اور 24 اپریل کو کھیلے جائیں گے جبکہ پہلا ون ڈے راولپنڈی میں 26 اپریل کو ہو گا ۔کراچی میں ون ڈے میچز 30اپریل ، 3، 5 اور 7 مئی کو ہوں گے ۔
