سیاسی جماعتوں کی سکروٹنی میں تاخیر کیخلاف درخواست، اسلام آباد ہائیکورٹ کی الیکشن کمیشن کو ہدایات دینے سے متعلق عدالت کو مطمئن کرنے کی ہدایت
اسلام آباد(ڈیلی پاکستان آن لائن)اسلام آباد ہائیکورٹ نے سیاسی جماعتوںکی سکروٹنی میں تاخیر کیخلاف درخواست پر پی ٹی آئی وکیل کو الیکشن کمیشن کو ہدایات دینے سے متعلق عدالت کو مطمئن کرنے کی ہدایت کردی ۔
نجی ٹی وی چینل ایکسپریس نیوز کے مطابق سیاسی جماعتوں کی سکروٹنی میں تاخیر کیخلاف فرخ حبیب کی درخواست پر سماعت ہوئی،اسلام آباد ہائیکورٹ کے چیف جسٹس عامر فاروق نے کیس کی سماعت کی،الیکشن کمیشن کی جانب سے تحریری جواب جمع کرا دیاگیا۔
چیف جسٹس ہائیکورٹ نے کہاکہ کیا ہم الیکشن کمیشن کو ڈائریکشن دے سکتے ہیں یا نہیں؟بیرسٹر علی گوہر نے کہاکہ سکروٹنی کمیٹی الیکشن کمیشن کی تشکیل کردہ کمیٹی ہے،ہائیکورٹ الیکشن کمیشن کے سکروٹنی کمیٹی کو ہدایات دے سکتی ہے۔
وکیل پی ٹی آئی عمائمہ انور خان نے سپریم کورٹ کے مختلف فیصلوں کا حوالہ دیا،آئندہ سماعت پر الیکشن کمیشن کو ہدایات دینے سے متعلق عدالت کو مطمئن کرنے کی ہدایت کردی ،عدالت نے کیس کی سماعت 29 مارچ تک کیلئے ملتوی کردی
