14سال پرانی گھریلو ملازمائیں 82لاکھ روپے کی ڈکیتی کی ماسٹر مائنڈ نکلیں، گینگ سرغنہ سمیت گرفتار
لاہور (آئی این پی) لاہور میں کے علاقے ڈیفنس سے 82لاکھ روپے کی ڈکیتی کا ڈراپ سین ہوگیا، 14سال سے کام کرنے والی دو گھریلو ملازمائیں واردات کی ماسٹر مائنڈ نکلیں، پولیس نے ڈکیت گینگ کے سرغنہ کوساتھیوں سمیت گرفتار کرلیا۔
تفصیلات کے مطابق لاہور کے علاقے ڈیفنس کے گھر میں 82لاکھ روپے کی ڈکیتی کا معمہ حل ہوگیا، گھر میں 14سال سے ملازمت کرنے والی خواتین نے ڈکیت گینگ بناکر واردات کروائی ۔پولیس کے مطابق واردات میں ملوث گروہ کے سرغنہ عثمان بٹ کو ساتھیوں سمیت گرفتار کرلیا گیا ہے جبکہ دونوں خواتین کو بھی گرفتار کرلیا گیا ہے۔
پولیس کا کہنا ہے کہ ملزمان سے چوری شدہ سونا اور نقدی برآمد کرلی گئی ہے، دونوں ملازمائیں واردات کے وقت گھر پر موجود تھیں، سحر اور بشری نے ڈاکوئوں کو گھر میں داخل کروایا۔پولیس کے مطابق ڈاکوئوں کو گھر کی تمام قیمتی اشیا کی لوکیشن معلوم تھی، ڈاکوں نے سونا ایک زیورات کی دکان پر فروخت کردیا تھا جسے برآمد کرلیا گیا ہے۔
