بول جمورے....!

بول جمورے....!

  IOS Dailypakistan app Android Dailypakistan app

استاد:جمورے جو پوچھوں گا بتائے گا ۔
جمورا:ہاں استاد جی بتاﺅں گا ۔
استاد: تم الیکشن میں کھڑے تھے، کیا بنا ۔
جمورا: ہار گیا ہوں ،دھاندلی ہوئی ہے ۔
استاد:جیتنے والے نے کتنے ووٹ لئے ۔
جمورا:ایک لاکھ پندرہ ہزار،دھاندلی ہوئی ہے ۔
استاد:تمہیںکتنے ووٹ ملے ۔
جمورا: تین ہزار،دھاندلی ہوئی ہے ۔
استاد:اتنی بڑی دھاندلی کیسے ہو گئی ؟
جمورا: میرے سپورٹرز کہتے ہیں دھاندلی ہوئی ہے۔
استاد:عوام نے تمہیں پسند نہیں کیا ہو گا۔
جمورا: جب وزیر تھا تو آگے پیچھے پھرتے تھے۔
استاد:تم تو کہتے تھے میری آبائی سیٹ ہے ۔
جمورا :استاد جی لوڈ شیڈنگ نے مروا دیا ۔
استاد: اب کیا بنے گا تیرا کالیا ۔
جمورا:مقبرہ، وہ بھی چوراہے میں،دھاندلی ہوئی ہے۔
استاد:تمہارے کپڑے کیوں پھٹے ہوئے ہیں ۔
جمورا:پبلسٹی کا بل لینے والے آئے تھے، دھاندلی ہوئی ہے ۔
استاد:تمہیں پسینہ کیوں آ رہا ہے ۔
جمورا: شہبا ز شریف نے بڑا سخت بیان دیا ہے ۔
استاد:تمہیں کیا فکر، تم نے کوئی کرپشن کی ہے ۔
جمورا:کی نہیں، کروائی گئی ہے ۔
استاد:تو پھر بھاگ جاﺅ، ورنہ مارے جاﺅ گے ۔
جمورا:ای سی ایل میں نام آ گیا ہے ۔
استاد: فیڈرل لاجز سے تم صوفے بھی اٹھا لائے تھے ۔
جمورا:بیگم نے کہا تھا ۔
استاد: تیرا کیا بنے گا کالیا۔
جمورا: تبدیلی کے نعرے نے مروا دیا ہے استاد جی ۔
استاد: تبدیلی کے نعرے والے تو نہیں جیتے ۔
جمورا: جنون نے مسلم لیگ(ن) کو جتوا دیا ، دھاندلی ہوئی ہے ۔
استاد: تم کانپ کیوں رہے ہو ۔
جمورا: وہ دیکھو پولیس کی گاڑی آ رہی ہے ۔
استاد: وہ تیزی کے ساتھ گزر گئی ہے ۔
جمورا: معمولی سی آہٹ پر بھی دل گھبرا جاتا ہے، استاد جی۔
استاد: جمورے مَیں جاﺅ ں، مجھے ضرور ی کام ہے ۔
جمورا: نہ استاد جی مجھے اکیلے نہ چھوڑنا ۔
استاد: اقتدار میں تو لفٹ نہیں کراتے تھے ۔
جمورا: اب آنکھ کھل گئی ہے، دھاندلی ہوئی ہے ۔
استاد :دھاندلی دھاندلی یہ کیا بکواس ہے ۔
جمورا: پی ٹی آئی والے بھی کہتے ہیں ۔
استاد:پی ٹی آئی تو پٹ گئی ۔
جمورا: پی پی پی کا بھی یہی حال ہے ۔
استاد: جیتا کون ۔
جمورا: پی والے نہیں، این والے جیت گئے ۔
استاد: اور کون کون ہارا ہے ۔
جمورا:ہمارے سبھی اتحادیوں کو یہی حال ہے ۔
استاد: مسلم لیگ(ق) کا کیا بنے گا ۔
جمورا: پرویز مشرف سے پوچھو،دھاندلی ہوئی ہے۔         ٭

مزید :

کالم -