مہمند ایجنسی، امن کمیٹی کے چار رضاکاروں کی لاشیں برآمد ،فائرنگ کرکے قتل کیا گیا

مہمند ایجنسی(مانیٹرنگ ڈیسک) تحصیل یکہ غونڈ میں امن کمیٹی کے 4 رضاکاروں کی لاشیں برآمد ہوئی ہیں جبکہ ایک زخمی شخص کو مقامی اسپتال میں طبی امداد فراہم کی جارہی ہے تاہم اس کی حالت تشویش ناک ہے مقتولین اور زخمی کا تعلق خیبر ایجنسی سے ہے،نجی ٹی وی کے مطابق مہمند اجنسی کی تحصیل یکہ غونڈ کے علاقہ کڑپہ میں علی الصبح پولیٹیکل حکام کو 5 لاشوں کی موجودگی کی اطلاع دی گئی، پولیٹیکل انتطامیہ اور سیکیورٹی فورسز نے موقعے پر پہنچ کر لاشوں کا معائنہ کیا تو پتہ چلا کہ 5 میں 4 دم تو ڑگئے ہیں جبکہ ایک شدید زخمی ہے۔ بعد ازاں لاشوں اور زخمی کو تحصیل سپتال یکہ غونڈ منتقل کردیا گیا،پولیٹیکل انتظامیہ کا کہنا تھا کہ مقتولین اور زخمی کا تعلق خیبر ایجنسی سے ہے، ان افراد کو فائرنگ کرکے قتل کیا گیا ہے جبکہ ملزمان نے زخمی شخص کو بھی مردہ سمجھ لیا تھا تاہم اس کی حالت تشویش ناک ہے۔