پنجاب، 24گھنٹوں میں 588ٹریفک حادثات،521افراد شدید زخمی
لا ہور (کرا ئم سیل )پنجاب کے مختلف مقامات پرگزشتہ 24گھنٹوں کے دوران 588ٹریفک حادثات میں521افراد شدید زخمی ہوگئے جن کو ریسکیو ایمبولینسوں نے بروقت نزدیکی ہسپتالوں میں پہنچادیا جبکہ209افراد معمولی زخمی ہوئے جنہیں فوری طور پرموقع پر ابتدائی طبی امداد فراہم کی گئی۔ ریسکیو 1122کے پراونشل مانیٹرنگ سیل کو موصول ہونے والی کالز کاموازنہ کیاجائے تو معلوم ہوتاہے کہ ان ٹریفک حادثات میں254ڈرائیور ،23کم عمرڈرائیور،382مسافراور99پیدل چلنے والے متاثر ہوئے ۔اعدادو شمار سے ظاہر ہوتا ہے کہ123ٹریفک حادثات کی ایمرجنسی کالز لاہور کنٹر ول روم کو موصول ہوئیں جن میں صوبائی دارالحکومت 149متاثرین کے ساتھ پہلے ،فیصل آباد62حادثات میں71متاثرین کے ساتھ دوسرے جبکہ گوجرانوالہ46حادثات میں53متاثرین کے ساتھ تیسرے نمبرپررہا۔
