دنیا کے نو پرکشش سیاستدانوں میں حنا ربانی کھر تیسرے،عمران خان آٹھویں نمبر پر
نیویارک( اے این این) امریکی جریدے ” رئیل کلیئر “نے دنیا نوپرکشش ترین سیاست دانوں کی فہرست جاری کردی جس میں پاکستان کے عمران خان اور حنا ربانی کھر بھی شامل کیاگیاہے ۔ فہرست میں پہلے نمبر پر اٹلی کی وزیر مارا کارفانگا جبکہ دوسرے پر میکسیکو کے صدر اینریک نائیٹو ہیں۔ تیسری خوب رو سیاستدان پاکستان کی حنا ربانی کھر ہیں۔ جریدے کی فہرست میں چوتھے نمبر پرپرکشش سیاستدان سویڈن کے ہینس لینڈے جبکہ پانچویں پر اسرائیل کے اورلی لیوی ہیں۔دنیا کے پرکشش سیاستدانوں کی فہرست میں چھٹے نمبر پر 2012 کے انتخابات میں امریکا کے صدراتی امیدوار مٹ رومنی ہیں جبکہ ساتویں پر روسی سیاستدان الینا کبایو اور دنیا بھر میں آٹھواں پر کشش سیاستدان عمران خان کو قراردیا گیا ہے۔ آخری نمبر پر امریکا کی 2008 میں نائب صدارت کے عہدے کی امیدوار سارہ پیلن ہیں۔واضح رہے کہ پاکستان کی سابق وزیرخارجہ حنا ربانی کھر نت نئے ڈیزائن، فیشن اور ہینڈبیگز کی وجہ سے دنیا بھر مےں منفرد شہرت رکھتی ہی ہیں۔ گزشتہ سال بھی انہیں ایک عالمی جریدے کے سروے میں دنیا کی سب سے زیادہ پرکشش خاتون سیاستدان قرار دیا گیا تھا۔
