کام ، کام اور کام
کیپشن: Shahbaz Sharif
لاہور(جنرل رپورٹر)وزیر اعلی پنجاب محمد شہباز شریف نے اسلام آباد اور شنگھائی کے طویل سفر کے بعد کسی قسم کے آرام کی بجائے کام کو ترجیح دی اور ایئرپورٹ سےسیدھے چین کے سرکاری مالیاتی ادارے ایگزمEXIM بنک کے حکام سے اجلاس میں شرکت کرنے پہنچ گئے- اجلاس کے دوران وزیر اعلی نے ایگزم بینک سے مطالبہ کیا کہ پنجاب کے ترقیاتی منصوبوں کے لئے دیئے جانے والے قرضوں پر شرح منافع اور شرائط ادائیگی میں زیادہ سے زیادہ رعایت دی جائیں جس پر بینک حکام نے وزیر اعلی کو یقین دلایا کہ چین کی طرف سے پنجاب کے ترقیاتی منصوبوں میں فنڈز کی فراہمی کے حوالے کوئی تاخیر نہیں آنے دی جائے گی - چینی حکام نے صوبے کی ترقیاتی منصوبوں کے لئےمہمان وزیر اعلی کی کاوشوں اور ذاتی دلچسپی کوبھی سراہا-
