ورلڈ چیلنجر کپ والی بال، پاکستان نے چائنیز تائپے کو ہرا دیا

لاہور(سپورٹس رپورٹر) ورلڈ چیلنجر کپ والی بال کوالیفیکیشن کانٹی نینٹل ٹورنامنٹ میں پاکستان نے چائنیز تائپے کو3۔0 سے ہرادیا۔الماتے میں جاری ایونٹ کے ایک میچ میں پاکستان نے پہلا سیٹ 25۔22 سے جیتا، دوسرے سیٹ میں 26۔24 سے کامیابی حاصل کی جبکہ تیسرے سیٹ میں25۔19 سے فتح سمیٹی۔ پاکستان ٹیم کا اگلا میچ پاکستانی وقت کے مطابق شام 4 بجے قازقستان سے ہوگا۔ایونٹ میں فتح کی صورت میں پاکستان کو مزید ایک اورکوالیفیکیشن ٹورنامنٹ میں شرکت کرنا ہوگی جس میں شمالی امریکہ سے 4 یا 5 ٹیمیں شریک ہوں گی، حتمی فیصلہ ان مقابلوں کے نتائج کے بعد ہوگا۔یاد رہے کہ گزشتہ ایشین چیمپئن شپ میں چائنیز تائپے نے پاکستان کو شکست دی تھی اور قومی ٹیم ایونٹ میں چوتھے نمبر پر رہی تھی۔