الیکشن مشکل مرحلہ ، امید ہے صاف شفاف ہوں گے،مریم اورنگزیب

لاہور(جنرل رپورٹر) وفاقی وزیراطلاعات و نشریات مریم اورنگزیب نے کہا ہے کہ الیکشن مشکل مرحلہ ہے تاہم امید ہے صاف شفاف ہونگے، مسلم لیگ( ن) میں سب کا بیانیہ ایک ہی ہے جبکہ "ووٹ کو عزت دو" الیکشن میں ہمارا نعرہ ہوگا، پیپلزپارٹی اور تحریک انصاف سیاسی جماعتیں ہیں اور ان کے کمزور ہونے سے ملک کو نقصان ہوگا۔ان خیالات کا اظہار انہوں نے صحافیوں کے اعزاز میں دی جانے والی افطار ڈنر پارٹی میں غیر رسمی گفتگو کرتے ہوئے کیا۔وفاقی وزیر اطلاعات مریم اورنگزیب نے اپوزیشن لیڈر کی مشاورت سے منگل کو نگران وزیراعظم کے نام کا اعلان ہوگا جبکہ الیکشن وقت پر ہوتے دیکھ رہی ہوں۔انہوں نے کہا کہ نوازشریف سی پیک منصوبہ لائے اور ترقی کی نئی راہیں کھولیں۔مریم اورنگزیب نے کہا کہ ہم سے کئی غلطیاں ہوئیں لیکن بہت سی کامیابیاں بھی سمیٹیں۔ انہوں نے کہا کہ ملکی مسائل کا حل صرف مضبوط جمہوریت میں ہ۔انہوں نے مزید کہا کہ الیکشن کے قریب آنے سے پی ٹی آئی میں اگرچہ لوگ زیادہ ہوگئے لیکن اس سے ووٹر لیول کم ہوگا کیونکہ عوام میں سیاسی شعور پیدا ہوچکا ہے۔
مریم اورنگزیب