ادھیڑ عمر شخص کے گردے میں درد گرمی میں اضافے کیساتھ ہی بڑھ گیا، پھر اتنی پتھریاں برآمد کہ گنتی بھول جائے
نئی دیلی (ویب ڈیسک) بھارتی ریاست تلنگانہ میں ڈاکٹروں نے معمر شخص کے گردے سے 206 پتھریاں نکال لیں۔
غیر ملکی میڈیا کے مطابق میڈیکل کی تاریخ میں کسی انسان کے گردے سے سیکڑوں پتھریاں نکلنا انتہائی کم سامنے آنے والا کیس ہے، لیکن ریاست تلنگانہ کے شہر حیدرآباد کا 56 سالہ شہری کے گردے میں سینکڑوں پتھریاں پائی گئیں، اس کے گردے میں گزشتہ چھ ماہ سے شدید درد ہورہا تھا جو گرمی کی شدت میں اضافے سے مزید بڑھ گیا۔
56 سالہ ویرملّا رامالاکشیمایہ نے ڈاکٹر سے رجوع کیا تاہم ڈاکٹر کی دی ہوئی دوائیں کام نہ آئیں درد میں اضافہ ہوتا رہا، جس پر ڈاکٹروں نے مریض کے ٹیسٹ کیے۔ٹیسٹ کی رپورٹ سے پتہ چلا کہ بھارتی شہری کے گردے میں 206 پتھریاں موجود ہیں جنہیں ایک گھنٹے کی سرجری کے بعد گردے سے نکالا گیا۔
یورولوجسٹ ڈاکٹر وینو ماننے کا کہنا ہے کہ گرمی کی شدت میں اضافے کے باعث اکثر لوگ ڈی ہائیڈریشن کا شکار ہوجاتے اور پانی کم پینے کی وجہ سے ان کے گردے میں پتھری ہوجاتی ہے۔ڈاکٹر کا کہنا تھا کہ شہریوں کو دھوپ میں باہر نکلنے سے گریز کرنا چاہیے یا دھوپ میں کم سے کم سفر کرنا چاہیے اور گرمی بڑھنے پر سوڈا پینے سے بھی گریز کرنا چاہیے۔
