"تحریک انصاف کوشرم سے ڈوب مرنا چاہیے، وزیراعلی حمزہ ہی ہوں گے " 25 ارکان ڈی سیٹ ہونے پر ریحام خان بھی بول پڑیں
اسلام آباد (ڈیلی پاکستان آن لائن) پاکستان تحریک انصاف (پی ٹی آئی) کے چیئرمین عمران خان کی سابق اہلیہ ریحام خان نے 25 ارکان ڈی سیٹ ہونے پر پی ٹی آئی کو تنقید کا نشانہ بنا ڈالا۔
اپنے ایک ٹویٹ میں ریحام خان نے کہا "تحریک انصاف کو آج خوشیاں منانے کی بجائے شرم سے ڈوب مرنا چاہیے کہ انہوں نے 25 ایسے افراد کو منتخب کروا کر اسمبلی میں بٹھایا جو پارٹی کے ساتھ وفادار نہیں تھے۔ رہی وزیراعلی پنجاب کی بات تو جو مرضی کر لیں وزیراعلی حمزہ شہباز ہی ہوں گے ۔"
خیال رہے کہ الیکشن کمیشن آف پاکستان نے جمعہ کے روز اپنے فیصلے میں تحریک انصاف کے ان 25 ارکان کو ڈی سیٹ کرنے کا فیصلہ سنایا ہے جنہوں نے وزیر اعلیٰ پنجاب کے الیکشن میں حمزہ شہباز کو ووٹ دیا تھا۔
تحریک انصاف کو آج خوشیاں منانے کی بجائے شرم سے ڈوب مرنا چاہیے کہ انہوں نے 25 ایسے افراد کو منتخب کروا کر اسمبلی میں بیٹھایا جو پارٹی کے ساتھ وفادار نہیں تھے۔
— Reham Khan (@RehamKhan1) May 20, 2022
رہی وزیراعلی پنجاب کی بات تو جو مرضی کر لیں وزیراعلی حمزہ شہباز ہی ہوں گے ۔
