وفاقی کابینہ میں ایک بار پھر ردوبدل، نوٹی فکیشن جاری

وفاقی کابینہ میں ایک بار پھر ردوبدل، نوٹی فکیشن جاری
وفاقی کابینہ میں ایک بار پھر ردوبدل، نوٹی فکیشن جاری

  



اسلام آباد(ڈیلی پاکستان آن لائن) حکومت نے وفاقی وزراء خسرو بختیار اور صاحبزادہ محبوب سلطان کی وزارتوں میں تبدیلی کردی۔

تفصیلات کے مطابق وفاقی کابینہ میں ایک بار پھر رد و بدل کیا گیا ہے اور اس حوالے سے نوٹی فکیشن بھی جاری کردیا گیا ہے۔نوٹی فکیشن کے مطابق خسرو بختیار سے وزارت منصوبہ بندی کا قلمدان واپس لے کر انہیں وفاقی وزیر برائے غذائی تحفظ کا قلمدان سونپا گیا ہےجبکہ وفاقی وزیر برائےغذائی تحفظ صاحبزادہ محبوب سلطان سے بھی قلمدان واپس لے کر انہیں وزیر سیفران بنا دیا گیا ہے۔قبل ازیں حکومت کی جانب سے خسرو بختیار کو وزیر پیٹرولیم بنانے کا اعلان کیا گیا تھا تاہم اب معاون خصوصی برائے پیٹرولیم ندیم بابر اپنا کام جاری رکھیں گے۔کابینہ ڈویژن کی جانب سے جاری نوٹیفکیشن کے مطابق اسد عمر کو منصوبہ بندی و ترقی اور اصلاحات کے وفاقی وزیر کا قلم دان دیا گیا ۔ذرائع کا کہنا ہے کہ وزیراعظم وزارت فوڈ سیکیورٹی میں صاحبزادہ محبوب سلطان کی کارکردگی سے مطمئن نہیں تھے جس پراُن سے یہ وزارت لے کر وزارت سیفران کو ذمہ داری دی گئی ہے۔

مزید : قومی