امریکی عدالت نے ٹرمپ انتظامیہ کو سرحد عبور کرنیوالے بچوں کو ملک بدر کرنے سے روک دیا 

  امریکی عدالت نے ٹرمپ انتظامیہ کو سرحد عبور کرنیوالے بچوں کو ملک بدر کرنے ...

  

 واشنگٹن(این این آئی)امریکی عدالت نے امریکی صدر ڈونلڈ ٹرمپ انتظامیہ کو سرحد عبور کرنے والے بچوں کو ملک بدر کرنے سے روک دیا ہے۔امریکی ٹی وی کے مطابق امریکی عدالت نے ٹرمپ انتظامیہ کوحکم دیا ہے کہ ایسے تارکین وطن بچے جنہوں نے تنہا سرحد پار کی ان کو ملک بدر کرنے سے روکا جائے۔واشنگٹن ڈی سی میں ایک فیڈرل جج نے امریکی ہوم لینڈ سیکیورٹی ڈیپارٹمنٹ کو احکامات دیئے ہیں کہ وہ میکسیکو کی سرحد پار کرکے تنہا ملک امریکا میں داخل ہونے والے تارکین وطن بچوں کی ملک بدری کا عمل روک دیں۔واضح رہے کہ امریکی امیگرینٹس حکام کومارچ سے یہ اختیارات حاصل ہیں کہ وہ ایسے بچوں کو حراست میں لے کرملک بدرکرسکتے ہیں۔امریکی سول لبرٹیز یونین سمیت 4 گروپوں نے اس اقدام پرامریکی ہوم لینڈ سیکیورٹی ڈیپارٹمنٹ اور اس کے قائم مقام سربراہ کیخلاف کیس کررکھا تھا۔

امریکی عدالت 

مزید :

صفحہ آخر -