دنیا کی معروف کک باکسر روبی جیسیامیسو نے اسلام قبول کر لیا

دنیا کی معروف کک باکسر روبی جیسیامیسو نے اسلام قبول کر لیا
دنیا کی معروف کک باکسر روبی جیسیامیسو نے اسلام قبول کر لیا
کیپشن:    سورس:   Twitter

  

نیدرلینڈ (ڈیلی پاکستان آن لائن) ” دی ٹائیسن لیڈی“ کے نام سے مشہور معروف کک باکسر روبی جیسیامیسو نے اسلام قبول کر لیا ہے جس کی اطلاع انہوں نے اپنے سوشل میڈیا اکاﺅنٹ پر دی۔ 

تفصیلات کے مطابق کک باکسر روبی جیسیا کا تعلق ہالینڈ سے ہے اور اسلام قبول کرنے سے قبل ان کا تعلق مسیحی مذہب سے تھا تاہم انہوں نے چند برس قبل اسلام سے متعلق پڑھنا شروع کیا جس سے وہ اس قدر متاثر ہوئیں کہ انہوں نے باضابطہ طور پر دائرہ اسلام میں داخل ہونے کا فیصلہ کر لیا۔ 

روبی جیسیا نے ہالینڈ کی مسجد میں گواہوں کے سامنے کلمہ شہادت ادا کیا اور متعلقہ دستاویزات پر دستخط کئے اور دائرہ اسلام میں داخل ہونے کی خبر اپنے انسٹاگرام اکاؤنٹ پر دی بعد ازاں اس پوسٹ کو ہٹا دیا گیا۔

روبی جیسیا کے اسلام قبول کرنے کی خبر سوشل میڈیا پر پھیل گئی اور متعدد ٹوئٹر اکاؤنٹس نے اس خبر کو ری ٹوئٹ کیا اور ان کے دائرہ اسلام میں داخل ہونے کی خوشخبری شیئر کرتے ہوئے ان کے حق میں دعا کی کہ خدا ان کی رہنمائی کرے۔ کک باکسر روبی جیسیا اسلام قبول کرتے وقت باحجاب تھیں اور ان کی حجاب میں ملبوس تصاویر سوشل میڈیا پر وائرل ہو گئیں۔ انہیں دنیا بھر کے مسلمانوں کی جانب سے محبت اور تعریفوں سے نوازا جارہا ہے۔ 

مزید :

کھیل -