دوسرا ٹی 20 ، پاکستان نے بنگلہ دیش کو 8 وکٹوں سے شکست دے دی

دوسرا ٹی 20 ، پاکستان نے بنگلہ دیش کو 8 وکٹوں سے شکست دے دی
دوسرا ٹی 20 ، پاکستان نے بنگلہ دیش کو 8 وکٹوں سے شکست دے دی

  

ڈھاکہ ( ڈیلی پاکستان آن لائن )  دورہ بنگلہ دیش پر موجود قومی کرکٹ ٹیم نےدوسرے ٹی 20 میچ میں بنگلہ دیش کو 8 وکٹوں سے شکست دے دی ۔ 

بنگلہ دیش کی جانب سے 109 رنز کا دیا گیا ہدف قومی ٹیم نے18.1 اوورز میں پورا کرلیا ، پاکستان کی جانب سے  کپتان بابر اعظم ایک اور محمد رضوان  رضوان 39 رنز بنا کر آؤٹ ہوئے ۔  ٹاپ آرڈر فخر زمان  57  اور حیدر علی 6 رنز بنا کر ناقابل شکست رہے ۔ 

اس سے قبل پاکستانی ٹیم نے زبردست باؤلنگ کا مظاہرہ کیا اور بنگالی کھلاڑیوں کو کھل کر کھیلنے کا موقع نہ دیا ،   بنگلہ دیشی ٹیم کے پہلے دو کھلاڑی 5 سکور پر ہی پویلین لوٹ گئے  ۔  شاہین شاہ آفریدی نے پہلا اوور کیا اور  پانچویں گیند پر اوپنر سیف حسن کو ایل بی ڈبلیو کر دیا ، سیف حسن بغیر کوئی رن بنائے آؤٹ ہوئے ۔ دوسرے اوور میں محمد وسیم نے بھی وکٹ حاصل کی ، انہوں نے اوور کی آخری گیند پر  اوپنر محمد نعیم کو میدان بدر کیا ،نعیم نے دو سکور کئے ، ان کا کیچ فخر زمان نے تھاما ۔ 

بنگلہ دیش کی تیسری وکٹ 51 کے مجموعی سکور پر گری جب عفیف حسین شاداب خان کی گیند پر وکٹ کیپر محمد رضوان کو کیچ تھما کر چلتے بنے ۔ تیرہویں اوور کی چوتھی گیند پر  کپتان محمد اللہ  حارث رؤف کی گیند پر  وکٹ کیپر کے ہاتھوں کیچ آؤٹ ہو گئے ۔ 

ٹاپ آرڈر نجم الحسن آؤٹ ہونے والے پانچویں کھلاڑی تھے ، نم الحسن نے 40 سکور کئے  ، وہ شاداب خان کی گیند پر ان ہی کے ہاتھوں کیچ آؤٹ ہوئے ۔  مہدی حسن  آؤٹ ہونے والے چھٹے کھلاڑی تھے ، مہدی  حسن محمد نواز کی گیند پر انہی کے ہاتھوں کیچ آؤٹ ہوئے ۔ 

102 کے مجموعی سکور پر وکٹ کیپربلے باز نور الحسن 11 رنز بنا کر شاہین شاہ آفریدی کی گیند پر وکٹ کیپر کو کیچ تھما کر چلتے بنے ۔

پاکستان کی جانب سے شاہین شاہ آفریدی اور شاداب خان نےدو دو کھلاڑیوں کو آؤٹ کیا جبکہ محمد وسیم ، حارث رؤف اور  محمد نواز نے ایک ، ایک کھلاڑی کو پویلین کی راہ دکھائی ۔ 

مزید :

کھیل -