چائے بیچ کر بیوی کو دنیا گھمانے والا چائے فروش اچانک انتقال کرگیا

چائے بیچ کر بیوی کو دنیا گھمانے والا چائے فروش اچانک انتقال کرگیا
چائے بیچ کر بیوی کو دنیا گھمانے والا چائے فروش اچانک انتقال کرگیا
سورس: Twitter/@mohana_vijayan

  

نئی دہلی(مانیٹرنگ ڈیسک) اپنی بیوی کے ساتھ دنیا کی سیر کرنے والا معروف بھارتی چائے فروش ہارٹ اٹیک آنے سے انتقال کر گیا۔ گلف نیوز کے مطابق بھارتی ریاست کیرالہ کے شہر کوچی کے رہائشی اس 71سالہ شخص کا نام کے آر وجیان تھا۔ وہ اپنے چائے کے کام سے اتنی رقم کماتا تھا کہ اپنی اہلیہ موہنا کے ساتھ اب تک 26ممالک کی سیاحت کر چکا تھا۔ ان کی چائے پورے کوچی میں مشہور ہے اور دورنزدیک سے لوگ ان کے ہوٹل ’شری بالا جی کافی ہاﺅس‘ پر آتے ہیں۔

وجیان اور موہنا نے 2007ءمیں دیگر ممالک کی سیاحت کا آغاز کیا تھا اور پوری دنیا دیکھنا چاہتے تھے مگر کورونا وائرس نے آکر ان کا سفر روک دیا اور اب وجیان دنیا سے ہی رخصت ہو گیا ہے۔ ابتداءمیں وہ اپنے خرچ پر سفر کرتے تھے۔ اس مقصد کے لیے وہ روزانہ 300روپے کی بچت کیا کرتے تھے جس کا واحد مقصد بیرون ملک سفر ہوتا تھا۔ چند سال اپنے خرچ پر سفر کرنے کے بعد سوشل میڈیا کے ذریعے انہیں ایسی شہرت ملی کہ ان کے سیاحت کے اس شوق کو ایک ٹریول ایجنسی نے سپانسر کرنا شروع کر دیا تھا۔ 

مزید :

ڈیلی بائیٹس -بین الاقوامی -