پاکستان کا تمام انٹرنیشنل ائیر پورٹس سے افغان ٹرانزٹ ٹریڈ کی اجازت دینے کا فیصلہ

  پاکستان کا تمام انٹرنیشنل ائیر پورٹس سے افغان ٹرانزٹ ٹریڈ کی اجازت دینے کا ...

  

اسلام آباد(مانیٹرنگ ڈیسک، نیوز ایجنسیاں) پاکستان نے بندرگارہوں کے بعد ملک کے تمام انٹرنیشنل ائیر پورٹس کے ذریعے سے بھی افغان ٹرانزٹ ٹریڈ کی اجازت دینے کا فیصلہ کیا ہے، نجی ٹی وی کے مطابق ایئر پورٹس سے پھر زمینی راستے کے ذریعے افغانستان بھجوانے کیلئے چمن، طورخم اور غلام خان کسٹمز سٹیشنز کیلئے ڈسپیچ ہوگا، ایف بی آر نے فضائی راستے سے آنیوالے ٹرانزٹ ٹریڈ کے سامان کی انٹرنیشنل ایئرپورٹس سے کلیئرنگ کا میکنزم متعارف کروانے بھی فیصلہ کیا ہے جس کیلئے کسٹمز رولز2001میں اہم ترامیم کی جا رہی ہیں،دستیاب دستاویز کے مطابق فیڈرل بورڈ آف ریونیو نے کسٹمز رولز میں ترامیم کا مسودہ تیار کرکے متعلقہ سٹیک ہولڈرز کی آرا ء کیلئے جاری کر دیا ہے اور ان سے کہا گیا ہے کہ 15دن کے اندر اپنی آرا و تجاویز بھجوائیں،مجوزہ ترمیمی کسٹمز رولز میں کہا گیا ہے کہ افغان ٹرانزٹ ٹریڈ کا سامان لانے والی ائیر لائنز کو ائیر بل دینا ہو گا، صرف اس سامان کی چمن، طورخم اور غلام خان کسٹمز اسٹیشنز تک ڈسپیچ کیلئے کارگو ہو سکے گی۔

افغان ٹرانزٹ ٹریڈ

مزید :

صفحہ اول -