ناقص کھانے پر پولیس اہلکاروں کا احتجاج رنگ لے آیا، کھانے میں چکن اور ناشتے میں پراٹھوں کیساتھ چنے کا اہتمام

ناقص کھانے پر پولیس اہلکاروں کا احتجاج رنگ لے آیا، کھانے میں چکن اور ناشتے ...
ناقص کھانے پر پولیس اہلکاروں کا احتجاج رنگ لے آیا، کھانے میں چکن اور ناشتے میں پراٹھوں کیساتھ چنے کا اہتمام

  

راولپنڈی(ڈیلی پاکستان آن لائن)پاکستان تحریک انصاف( پی ٹی آئی )لانگ مارچ کیلئے مختلف شہروں سے بلائے گئے پنجاب پولیس کے اہلکاروں کا ناقص کھانے پر احتجاج رنگ لے آیا۔

نجی ٹی وی چینل جیو نیوز کے مطابق لانگ مارچ کی سکیورٹی کیلئے بلائے گئے پنجاب پولیس کے اہلکاروں کی جانب سے ہر کھانے میں دال اور کھانے کے معیار کے حوالے سے تحفظات کا اظہار کیا گیا تھا جس کا سی پی او راولپنڈی شہزاد بخاری نے فوری نوٹس لیا تھا۔اب پنجاب پولیس کے اہلکاروں کا کھانے کے معیار کے حوالے سے کیا جانے والا احتجاج رنگ لے آیا ہے۔

ترجمان راولپنڈی پولیس کا کہنا ہے کہ اہلکاروں کیلئے کھانے میں چکن اور ناشتے میں پراٹھوں کے ساتھ چنے کا اہتمام کیا گیا ہے۔ترجمان کا مزید کہنا ہے کہ سی پی او کی ہدایت پر سینئر افسران خود کھانے کو چیک کر رہے ہیں، کھانے کے معیار کے ساتھ پولیس اہلکاروں کی رہائش کی سہولیات کو بھی بہتر کیا جا رہا ہے۔

مزید :

علاقائی -پنجاب -راولپنڈی -