ناراض بیوی کے واپس گھر نہ آنے پر پولیس اہلکار نے سسرالیوں کے گھرجا کر فائرنگ کردی

ناراض بیوی کے واپس گھر نہ آنے پر پولیس اہلکار نے سسرالیوں کے گھرجا کر فائرنگ ...
ناراض بیوی کے واپس گھر نہ آنے پر پولیس اہلکار نے سسرالیوں کے گھرجا کر فائرنگ کردی

  

لاہور(ڈیلی پاکستان آن لائن) نصیر آباد کے علاقہ میں ناراض بیوی کے واپس گھر نہ آنے پر پولیس اہلکار نے بیوی کے میکے جاکر سسرالیوں پر فائرنگ کردی۔

ایکسپریس نیوز کے مطابق سسرالیوں پر فائرنگ کا واقعہ لاہور کے علاقے نصیرآباد میں چوکی فردوس مارکیٹ کی حدود مکہ کالونی میں پیش آیا جہاں پولیس اہلکار نے بیوی اور سالے وقاص کو تشدد کا نشانہ بھی بنایا۔بیوی کے اہل خانہ کا کہنا ہے کہ چوکی فردوس مارکیٹ میں تعینات پولیس کانسٹیبل کاشف رضا اپنا چار ماہ کا بیٹا ماں سے چھین کر لے گیا جب کہ اہلیہ اور اس کے بھائی کو مار پیٹ کا نشانہ بھی بنایا۔

 کانسٹیبل کاشف رضا سول کپڑوں میں اپنے تین ساتھیوں کے ساتھ آیا اور سسرال آکر فائرنگ کردی، تاہم فائرنگ سے کوئی زخمی نہیں ہوا۔

پولیس ذرائع کا کہنا ہے کہ تفتیش کرنے والے اہلکاروں نے وقوعہ سے گولیوں کے چار خول برآمد کیے ہیں۔سسرالیوں کا کہنا ہے کہ کانسٹیبل کاشف رضا والٹن روڈ کے قریب کوارٹر میں رہائش پزیر ہے، جس کی ایک سال قبل شادی ہوئی تھی، بیوی پر تشدد کرتا تھا، چند روز سے بیوی میکے آگئی تھی۔واقعے کے بعد ملزم کانسٹیبل گھر کو تالا لگا کر فرار ہوگیا۔

مزید :

علاقائی -پنجاب -لاہور -