یونیورسٹی وائس چانسلرز کا جامعہ زکریا کا دورہ، ملاقاتیں
ملتان ( سٹاف رپورٹر)پاکستان کی مختلف جامعات کے وائس چانسلرز نے بہاالدین زکریا یونیورسٹی ملتان کا دورہ کیا وائس چانسلر بہاالدین زکریا یونیورسٹی پروفیسر ڈاکٹر محمد علی شاہ نے تمام وائس چانسلرز کو ملتان آمد پر خوش آمدید کہا اور ملتان شہر کی تاریخ اور یونیورسٹی کے بادے میں بریفنگ دی۔ اس موقع پر ان یونیورسٹیوں کے وائس چانسلرز نے زکریا یونیورسٹی کے ساتھ طلبا کی نصابی و ہم نصابی سرگرمیوں کے حوالے سے ایم او یو بھی سائن کیا ۔ اس ایم او یو کے حوالے (بقیہ نمبر6صفحہ6پر )
سے انٹر یونیورسٹی کنسورشیم فار دی پروموشن آف سوشل سائنسز کے نیشنل کوارڈینیٹر مرتضی نور نے بہت اہم کردار ادا کیا اور زکریا یونیورسٹی میں طلبا کے حوالے سے ہم نصابی سرگرمیوں کے حوالے سے بھر پور تعاون کی پیشکش کی۔ اس موقع پر ڈاکٹر مقرب اکبر کا کہنا تھا کہ یونیورسٹی طلبا کے حوالے سے بہت اہم اقدامات کر رہی وائس چانسلرز کے وفد نے سرائیکی ایریا سٹڈی سنٹر اور ملتان کالج آف آرٹس کا دورہ بھی کیا جہاں پر وائس چانسلرز بی ذیڈ یو محمد علی شاہ نے آرٹس کالج اور سرائیکی ایریا سٹڈی سنٹر کے اہمیت کے بارے میں وفد کو بتایا ۔ وفد میں پروفیسر ڈاکٹر حبیب بخاری وائس چانسلر کوہسار یونیورسٹی مری، انجینئر ڈاکٹر عطااللہ شاہ وائس چانسلر قراقرم انٹرنیشنل یونیورسٹی گلگت، پروفیسر ڈاکٹر محمد مجدد رحمان وائس چانسلر ایبٹ آباد یونیورسٹی آف سائنس اینڈ ٹیکنالوجی، پروفیسر ڈاکٹر واجد وائس چانسلر یونیورسٹی آف اوکاڑہ، پروفیسر ڈاکٹر اشتیاق علی قائداعظم یونیورسٹی اسلام آباد اور مرتضی نور شامل تھے۔ شرکا نے میزبانی پر وائس چانسلر بہاالدین زکریا یونیورسٹی کا خصوصی شکریہ ادا
