سی ٹی ڈی کی پنجاب میں کارروائیاں، ٹی ٹی پی کمانڈر سمیت 7دہشتگرد گرفتار
لاہور(ڈیلی پاکستان آن لائن)کاؤنٹر ٹیررازم ڈیپارٹمنٹ کی پنجاب میں مختلف کارروائیوں میں ٹی ٹی پی کمانڈر 7دہشتگرد گرفتار کرلئے گئے۔
نجی ٹی وی چینل دنیا نیوز کے مطابق دہشتگردی خدشات کے پیش نظر سی ٹی ڈی کے پنجاب کے مختلف شہروں میں 248آپریشن کئے گئے، ترجمان سی ٹی ڈی کے مطابق انٹیلی جنس بیسڈ آپریشن کے دوران 7دہشتگرد گرفتار کر لئے گئے۔سی ٹی ڈی حکام کا کہناتھا کہ کارروائی راولپنڈی، سرگودھا، بہاولپور، پاکپتن اور ساہیوال میں کی گئی،بہاولپور سے ٹی ٹی پی کا اہم کمانڈر سلمان گرفتار کر لیاگیا ،دہشتگردوں سے بارودی مواد، 2ہینڈ گرنیڈ اور نقدی بھی برآمد ہوئی۔حکام کا کہنا تھا کہ دہشتگرد اہم تنصیبات پر حملے کی منصوبہ بندی کررہے تھے،دہشتگردی کے ناسور کو جڑ سے اکھاڑ پھینکنے کیلئے پرعزم ہیں۔
