سینماؤں میں فلمیں کاٹ کر چلانے کا انکشاف
لاہور(فلم رپورٹر) ملٹی پلیکس سنیماؤں میں فلمیں کاٹ کر چلانے کا انکشاف ہوا ہے ۔ذررائع کے مطابق سینما مالکان فلم کی ریلیز کے ایک ہفتہ بعد تک تو پوری فلم سینماؤں میں دکھاتے ہیں لیکن اس کے بعد اپنے شوز کی تعداد بڑھانے کے چکر میں کئی اہم مناظر فلم میں سے کاٹ کر فلم کا دورانیہ کم کر دیا جاتا ہے ، فلم بینوں کا کہنا ہے کہ حکومت ایسے تمام سینما مالکان کے خلاف سخت ایکشن لے جو پیسے تو پوری فلم دکھانے کے لیتے ہیں لیکن فلم بیس سے تیس منٹ کم دورانیہ کی دکھاتے ہیں۔
