نعت

نعت

حامل ختم نبوت، زندہ و پائندہ باد

تاجدارِدین و ملت، زندہ و پائندہ باد

منبعء جودوسخاوت، زندہ و پائندہ باد

مخزنِ لطف و عنایت، زندہ و پائندہ باد

دی شہادت، منکروں نے آپؐ کے کردار کی

شمعء حق و صداقت، زندہ و پائندہ باد

قافلہ سالار کا اعزاز رب نے ہے دیا

سارے نبیوں کی امامت زندہ و پائندہ باد

ندرتِ اظہار کا گر آپؐ سے آغاز ہے

فکر و دانش کی نہایت زندہ و پائندہ باد

آپؐ کے جذب ارادت کا ہے ثمرہ آگہی

شاد کا ہر حرف مدحت، زندہ و پائندہ باد

پروفیسر محمد احمد شاد

مزید : ایڈیشن 1