برطانیہ کو دہشتگردی کے شدید حملوں کا خطرہ ہے،ایم آئی 5

برطانیہ کو دہشتگردی کے شدید حملوں کا خطرہ ہے،ایم آئی 5

لندن (اے پی پی) برطانوی خفیہ ایجنسی ایم آئی 5 کے سربراہ نے خبردار کرتے ہوئے کہا ہے کہ ملک میں مزید دہشت گرد حملوں کا خطرہ ہے۔ ترک خبررساں ادارے کے مطابق برطانیہ کی خفیہ ایجنسی ایم آئی فائیو کے سربراہ اینڈریو پارکر نے کہا کہ برطانیہ میں ممکنہ حملوں کی اطلاعات ہیں۔

انہوں نے کہا ہے کہ 34 سالہ پیشہ وارانہ زندگی میں دہشت گردی کے اتنے سنگین خطرات کبھی نہیں دیکھے جن کا برطانیہ کو اب سامنا ہے، انفرادی حیثیت میں دہشت گر دوں کی کارروائیوں کا خطرہ بھی بڑھ گیا ہے جن کو روکنا مشکل ہے۔ایم آئی 5 کے سربراہ اینڈریو پارکر کا کہنا تھا کہ حالیہ دنوں میں بہت سے دہشت گرد برطانیہ کا رخ کررہے ہیں جنہیں ڈھونڈنا بہت مشکل ہے۔رواں سال برطانیہ میں 5 دہشت گردی کے واقعات ہوئے جس کے باعث خفیہ ایجنسی کے آپریشنز متاثر ہوئے ہیں جبکہ گزشتہ 4 سال کے دوران برطانیہ میں دہشت گردی کے 20 بڑے منصوبے ناکام بنے ہیں۔

مزید : عالمی منظر