پاکستان کی سلامتی و امن برطانیہ کیلئے انتہائی اہم، شہزادہ ولیم

پاکستان کی سلامتی و امن برطانیہ کیلئے انتہائی اہم، شہزادہ ولیم

  IOS Dailypakistan app Android Dailypakistan app


لندن(آئی این پی)برطانوی شہزادہ ولیم کا کہنا ہے کہ پاکستان کی امن و سلامتی کے لیے کوششیں برطانیہ کو بھی محفوظ رکھتی ہیں، پاکستان برطانیہ کیلئے انتہائی اہم ہے، اسلام آباد آمد سے پاک برطانیہ تعلقات کی اہمیت کا اندازہ ہوا۔ برطانوی خبر رساں ادارے کے مطابق برطانوی شہزادہ ولیم کا کہنا ہے کہ پاکستان کی امن و سلامتی کے لیے کوششیں برطانیہ کو بھی محفوظ رکھتی ہیں۔ شہزادہ ولیم کا کہنا تھا کہ پاکستان میں جو کچھ ہوتا ہے اس کا اثر برطانیہ کی سڑکوں پر بھی دیکھا جاتا ہے۔برطانوی شہزادے نے مزید کہا یہی وجہ ہے کہ ہم آج یہاں موجود ہیں جو اس بات کا ثبوت ہے کہ پاکستان ہمارے لیے کتنا اہم ہے۔شہزادہ ولیم کا کہنا تھا کہ ہمارے پاکستان کے ساتھ بہت اچھے تعلقات ہیں اور ان تعلقات کی وجہ سے ہی برطانیہ میں لوگ محفوظ ہیں۔انہوں نے کہا کہ پورے ہفتے ہم پاکستان میں سیکیورٹی کے حوالے سے سنتے رہے اور ہمیں اس دورے سے پاکستان اور برطانیہ کے تعلقات کی اہمیت کا اندازہ ہوا۔
شہزادہ ولیم

مزید :

صفحہ اول -