سول ملٹری تعلقات کی آئین کے مطابق دوبارہ وضاحت ضروری، شاہد خاقان 

سول ملٹری تعلقات کی آئین کے مطابق دوبارہ وضاحت ضروری، شاہد خاقان 

  

اسلام آباد (مانیٹرنگ ڈیسک) مسلم لیگ (ن) کے سینئر نائب صدر شاہد خاقان عباسی نے کہا ہے سول ملٹری تعلقات کی آئین کے مطابق دوبارہ وضاحت کرنا ہوگی۔ ملک آئین کے مطابق چلنا چاہیے۔یہ بات انہوں نے دنیا نیوز کے پروگرام‘’دنیا کامران خان کیساتھ”میں گفتگو کرتے ہوئے کہی۔ ان کا کہنا تھا کہ ہمارا بیانیہ ہے ووٹ کی امانت میں خیانت نہ ہو۔ پہلے روز سے ہی الیکشن 2018ء کو متنازعہ اور دھاندلی زدہ کہا تھا، اعتراف کرنا ہوگا ہائبرڈ نظام کی ناکامی کی بنیادی وجہ دھاندلی تھی۔ جمہوری اور سیاسی عمل چلانے کیلئے اسمبلیوں میں شامل ہوئے۔ کوشش کی نظام چل سکے لیکن پارلیمان کو چلنے نہیں دیا جا رہا۔بات یہاں تک نہیں پہنچنی تھی لیکن ہر شخص یہی باتیں کر رہا ہے۔ آج ملک کا سب سے بڑا مسئلہ مہنگائی ہے۔ حقائق سب جانتے ہیں، ملکی ترقی اور مہنگائی کی بات کریں۔ اگر ملک ترقی کرتا تو آج کوئی بھی دھاندلی کی بات نہ کرتا۔ جیلوں میں ڈالنے سے ملکی مسائل حل نہیں ہوں گے۔

شاہد خاقان

مزید :

صفحہ آخر -