سجدۂ صبح شام کیا کرتا| یگانہ چنگیزی |

سجدۂ صبح شام کیا کرتا
غائبانہ سلام کیا کرتا

جو نہ سمجھے خود اپنا مطلبِ شوق
وہ پیام و سلام کیا کرتا

وقت جس کا کٹے حسینوں میں

کوئی مردانہ کام کیاکرتا

بندۂ خاص پر مرا مولا

نگہِ فیضِ عام کیا کرتا

یہ مساوات ، تحفۂ ناچیز

وہ یگانہ کے نام کیا کرتا

شاعر: یگانہ چنگیزی

 ( شعری مجموعہ:گنجینہ؛سالِ اشاعت،2007)

Sajda-e-Subh -o-Shaam   Kaya   Karta

Ghaybaana   Salaam   Kaya   Karta

 Jo   Na    Samjhay   Khud   Apna   Matlab-e-Shaoq

Wo   Payaam-o-Salaam   Kaya   Karta

 Waqt   Jiss   Ka   Kattay   Haseenon   Men 

Koi   Mardaana   Kaam   Kaya   Karta

 Banda-e-Khaas   Par   Mira   Mola

Nigha-e-Faiz-e-Aam   Kaya   Karta

 Yeh    Musaawaat  ,   Tohfa-e-Nacheez

Wo   YAGANA   K   Naam   Kaya   Karta

Poet: Yagana   Changezi