انٹربینک مارکیٹ ڈالر کی اونچی اُڑان، قیمت میں مزید اضافے کے بعد نئی بلند سطح پر پہنچ گیا
کراچی (ڈیلی پاکستان آن لائن ) انٹر بینک مارکیٹ میں ڈالر کی اونچی اڑان جاری ہے اور کاروبار کے آغاز کے بعد سے قیمت میں مسلسل اضافہ دیکھنے میں آ رہاہے ۔
تفصیلات کے مطابق انٹر بینک مارکیٹ میں ڈالر کی قیمت میں کاروبار کے دورا ن مزید اضافہ ہو گیاہے ، ڈالر 73 پیسے مہنگا ہونے کے بعد 172 روپے 78 پیسے سے بڑھ کر 173 روپے 50 پیسے پر پہنچ گیاہے ۔
ایک طرف ڈالر کی قیمت میں مزید اضافہ ہوتا جارہاہے تو دوسری طرف سٹاک مارکیٹ میں مثبت رجحان دیکھنے میں آر ہاہے ،کاروبارشروع ہو ا تو 100 انڈیکس 44 ہزار 629 پوائنٹس پر تھا تاہم کچھ ہی دیر میں اس میں اضافہ دیکھنے میں آیا اور انڈیکس 870 بڑھ گیا ، اس مارکیٹ 45 ہزار 500 پوائنٹس کی سطح پر پہنچ چکی ہے ۔