معروف گلوکار میکا سنگھ بھی کھل کر شاہ رخ خان کے بیٹے آریان خان کی حمایت میں سامنے آ گئے 

معروف گلوکار میکا سنگھ بھی کھل کر شاہ رخ خان کے بیٹے آریان خان کی حمایت میں ...
معروف گلوکار میکا سنگھ بھی کھل کر شاہ رخ خان کے بیٹے آریان خان کی حمایت میں سامنے آ گئے 

  

ممبئی (ڈیلی پاکستان آن لائن )شاہ رخ خان کے بیٹے آریان خان کی درخواست ضمانت مسترد کر دی گئی ہے جس کے بعد انہیں مزید کچھ عرصہ جیل میں گزارنا ہو گا اور ان کے وکلاءکی جانب سے کیس کو ممبئی ہائیکورٹ میں لے جایا جائے گا ۔

تفصیلات کے مطابق میکا سنگھ نے مائیکرو بلاگنگ ویب سائٹ ٹوئٹر پر اسی کروز کی تصویر شیئر کی ہے جس سے آریان کو گرفتار کیا گیا تھا اور اس مشکل وقت میں شاہ رخ خان کی حمایت کی ہے۔انہوں نے اپنے ٹوئٹ میں اس کروز کی تعریف کرتے ہوئے لکھا کہ ’واہ! کیا خوبصورت کروز ہے، کاش! میں اس کا دورہ کرسکتا۔‘میکا سنگھ نے طنزیہ انداز میں لکھا کہ ’ا±نہوں نے سنا ہے کہ بہت سارے لوگ وہاں موجود تھے لیکن وہ آریان خان کے علاوہ کسی اور کو نہیں دیکھ سکے۔‘انہوں نے مزید لکھا کہ ’اتنے بڑے کروز میں صرف آریان خان ہی گھوم رہا تھا؟ حد ہے۔‘

واضح رہے کہ کروز شپ منشیات کیس میں بھارتی اداکار شاہ رخ خان کے بیٹے ا?ریان خان سمیت دیگر ملزمان ارباز مرچنٹ اور منمون دھمیچا کی بھی ضمانت کی درخواستیں مسترد کر دی گئی ہیں۔یاد رہے کہ آریان خان 8 اکتوبر سے ممبئی کی آرتھر جیل میں ہیں، بھارت کے انسدادِ منشیات ادارے نارکوٹکس کنٹرول بیورو (این سی بی) کی جانب سے ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے ا?ریان خان کو گرفتار کیا تھا۔

مزید :

تفریح -