بائیڈن کا پاکستان سے متعلق بیان بے ساختہ تھا،امریکی سینیٹر

  بائیڈن کا پاکستان سے متعلق بیان بے ساختہ تھا،امریکی سینیٹر

  

 واشنگٹن (این این آئی)امریکا کے سینئیر ڈیمو کریٹ سینیٹر کرس وان ہالن نے کہا ہے کہ صدر بائیڈن کا بیان بے ساختہ تھا، امریکی پالیسی میں کوئی ردوبدل نہیں۔اپنے بیان میں انہوں نے کہا کہ امریکی محکمہ خارجہ کی وضاحت سے یہی تاثر ملتا ہے کہ صدارتی بیان جان بوجھ کر نہیں دیا گیا تھا، ہم پاکستان کے ساتھ مستحکم تعلقات کے خواہاں ہیں۔انہوں نے کہا کہ سیلاب اور اس سے نمٹنے کے اقدامات کے باعث دو طرفہ رابطوں میں اضافہ ہوا ہے۔سینیٹر کرس وان ہالن نے مزید کہا کہ امریکا مسلسل پاکستانی حکام کے ساتھ رابطے میں ہے کہ ان کی کس طرح مزید مدد کی جا سکتی ہے۔

امریکی سینیٹر

مزید :

صفحہ اول -