قومی انسداد پولیو مہم، 4کروڑ 37لاکھ سے زائد بچوں کو حفاظتی قطرے پلائے گئے

                                                            اسلا م م آباد (آئی این پی)قومی انسدادِ پولیو مہم مکمل ہوگئی۔مہم کے دوران چھ روز میں 4کروڑ 37 لاکھ سے زائد بچوں کو پولیو کے قطرے پلائے گئے ۔نیشنل ای او سی کے مطابق پنجاب میں 2 کروڑ 30 لاکھ سے زائد بچوں کو پولیو سے بچاؤ کے قطرے پلائے گئے، سندھ میں 1 کروڑ 4 لاکھ سے زائد بچوں کو پولیو سے بچاؤ کے قطرے پلائے گئے، خیبر پختونخوا میں 61 لاکھ 67 ہزار سے زائد بچوں کو پولیو سے بچا ؤکے قطرے پلائے گئے اور بلوچستان میں 25 لاکھ 84 ہزار سے زائد بچوں کو پولیو سے بچا ؤکے قطرے پلائے گئے۔نیشنل ای او سی نے مزید بتایا کہ اسلام آباد میں 4 لاکھ 66 ہزار سے زائد بچوں کو پولیو سے بچا ؤ کے قطرے پلائے گئے جبکہ گلگت بلتستان میں تقریبا 2 لاکھ 94 ہزار بچوں کو پولیو  قطرے پلائے گئے۔ادارے کا مزید کہنا تھا کہ آزاد جموں و کشمیر میں 7 لاکھ 33 ہزار سے زائد بچوں کو پولیو   قطرے پلائے گئے۔ادارے نے مزید کہا کہ قوم کے مستقبل کو پولیو سے بچانا ہر فرد کی قومی ذمہ داری ہے۔ نیشنل ای او سی کے مطابق پولیو ٹیم سے رابطے کیلئے  1166 پر کال کریں یا 03467776546 پر واٹس ایپ مسیج کیا جاسکتا ہے۔جنوبی خیبرپختونخوا میں یہ مہم 20 اکتوبر سے منعقد کی جائے گی۔والدین سے اپیل ہے کہ اپنے 5 سال سے کم عمر بچوں کو پولیو کے قطرے لازمی پلائیں۔

پولیو مہم