پاکستان انڈسٹریل ایکسپو کے نویں ایڈیشن میں 18کروڑ ڈالر کے بزنس معاہدے
لاہور (خصوصی رپورٹ) لاہور ایکسپو سینٹر میں منعقدہ نویں پاکستان انڈسٹریل ایکسپو کامیابی کے ساتھ اختتام پذیر ہوا، جس میں تقریباً 18 کروڑ امریکی ڈالر* کے بزنس معاہدے طے پائے۔ تین روزہ نمائش میں پاکستان اور چین کی تقریباً 200 معروف کمپنیوں نے شرکت کی، جس سے صنعتی تعاون کے ایک نئے دور کا آغاز ہوا اور پاکستان کے *ٹیکنالوجی و مینوفیکچرنگ کے جدید خطوط پر استوار سفر کو مزید تقویت ملی۔2017 میں آغاز کے بعد سے، پاکستان انڈسٹریل ایکسپو ملک کا ایک بااثر B2B پلیٹ فارم بن چکا ہے، جو سرمایہ کاری، شراکت داری، اور ٹیکنالوجی کے تبادلے کو فروغ دیتا ہے۔ اس سال کی نمائش میں CNC مشینری، توانائی و پاور، آٹومیشن، اور صنعتی آلات کے جدید ترین حل پیش کیے گئے جو ویژن 2025 اور صنعتی ترقی کے قومی اہداف سے ہم آہنگ ہیں۔یوسف فا، چیف ایگزیکٹو آفیسر، ایوریسٹ انٹرنیشنل ایکسپو نے کہا کہ نویں ایڈیشن نے پاک چین صنعتی تعاون کے ایک نئے مرحلے کا آغاز کیا ہے۔ ''پاکستان انڈسٹریل ایکسپو محض ایک تجارتی نمائش نہیں بلکہ دیرپا معاشی شراکت داری کی علامت بن چکا ہے۔ اس سال ریکارڈ بزنس سرگرمیوں نے پاکستان کی صنعتی صلاحیت پر عالمی سرمایہ کاروں کے بڑھتے اعتماد کو ظاہر کیا ہے۔''ارمغان مقیم، منیجنگ پارٹنر، ایوریسٹ انٹرنیشنل ایکسپو نے کہا کہ ادارہ کاروباری روابط کے ساتھ ساتھ انسانی وسائل اور صنعتی استعداد میں سرمایہ کاری کر رہا ہے۔ ''ہم روزگار کے مواقع پیدا کر رہے ہیں، نوجوان پیشہ ور افراد کو تربیت دے رہے ہیں، اور لاہور میں اپنے اوورسیز ویئرہا_¶س جیسے اقدامات کے ذریعے پاکستان کے صنعتی نظام کو مضبوط بنا رہے ہیں۔''ذیشان ہاشمی، جنرل منیجر، ایوریسٹ انٹرنیشنل ایکسپو نے کہا: ''ہمارا مقصد پاکستان کی مینوفیکچرنگ انڈسٹری کو عالمی معیار کی ٹیکنالوجی سے جوڑنا ہے۔ اس سال کی بھرپور شرکت اور دلچسپی ظاہر کرتی ہے کہ یہ پلیٹ فارم جدت اور مواقع کے درمیان ایک مضبوط پل بن چکا ہے۔''نمائش میں 20,800 سے زائد پیشہ ور زائرین نے شرکت کی، اور شرکاءکی 92 فیصد نے اطمینان کا اظہار کیا۔ اس موقع پر پاکستانی خریداروں، ڈسٹری بیوٹرز اور مینوفیکچررز کو مشترکہ منصوبوں، مہارت کے تبادلے اور مقامی پیداوار کے فروغ کے نئے مواقع میسر آئے۔2025 کے ایڈیشن کی شاندار کامیابی نے پاکستان–چین صنعتی تعاون میں اس ایونٹ کے کلیدی کردار کو مزید مستحکم کیا۔ منتظمین کے مطابق، دسواں پاکستان انڈسٹریل ایکسپوستمبر 2026 میں لاہور میں منعقد ہوگا، جس میں چیمبرز آف کامرس، یونیورسٹیز، اور صنعتی تنظیموں کی مزید وسیع شرکت متوقع ہے۔
