ڈیرہ اسماعیل خان میں پک اپ کھائی میں گرنے سے 7افراد جاں بحق

ڈیرہ اسماعیل خان میں پک اپ کھائی میں گرنے سے 7افراد جاں بحق

  

 ڈیرہ اسماعیل خان(آن لائن) کوٹ فلک کے قریب مسافر پک اپ کھائی میں گرنے سے 7 افراد جاں بحق جب کہ 4 زخمی ہوگئے۔ پولیٹیکل انتظامیہ کے مطابق ڈیرہ اسماعیل خان سے ایف آر در اندازہ جانے والی مسافر پک اپ کوٹ فلک کے قریب کھائی میں جاگری جس کے نتیجے میں 7 افراد جاں بحق جب کہ 4 زخمی ہوگئے۔ لاشوں اور زخمیوں کو قریبی اسپتال منتقل کردیا گیا ہے جہاں زخمیوں کو طبی امداد فراہم کی جارہی ہے جب کہ جاں بحق ہونے والوں میں 2 خواتین اور 2 بچے بھی شامل ہیں۔پولیٹیکل انتظامیہ کا کہنا ہے کہ پک اپ کو حادثہ ڈرائیور کی تیز رفتاری کی وجہ سے پیش آیا۔ واقعے میں جاں بحق ہونے والوں کی لاشیں ورثا کے حوالے کردی گئی ہیں۔

مزید :

علاقائی -