پی سی بی کے ابوظبہی کرکٹ حکام سے معاملات طے

پی سی بی کے ابوظبہی کرکٹ حکام سے معاملات طے

کراچی ( آن لائن ) پاکستان کرکٹ بورڈ کے ابوظہبی کرکٹ حکام سے معاملات طے ہو گئے ہیں اور سری لنکا سے سیریز میں وہ مارکیٹنگ پر بورڈ سے کوئی رقم نہیں لے گا اسی لیے سیریز کا آغاز ابوظہبی ٹیسٹ سے کرنے کا فیصلہ ہوا ہے۔پی سی بی سیکیورٹی خدشات کی وجہ سے ٹیموں کی میزبانی متحدہ عرب امارات میں کرنے پر مجبور ہے، گوکہ ورلڈالیون کی آمد سے کچھ اعتماد بڑھا مگر اب بھی غیرملکی سائیڈز کوپاکستان جانے کا فیصلہ کرنے میں وقت لگے گا، رواں ماہ کی28 تاریخ سے پاکستان کی سری لنکا سے سیریز کا آغاز ہونا ہے، اس کی میزبانی بھی یو اے ای کرے گا، گزشتہ برس پی ایس ایل ون سے قبل بعض معاملات پر اتفاق نہ ہونے کی وجہ سے پی سی بی نے کوئی میچ بھی وہاں نہیں رکھا تھا، ویسٹ انڈیز سے سیریزکاآغاز دبئی ٹیسٹ سے ہوا جبکہ دوسرے ٹیسٹ کے بعد آخری ون ڈے اور ٹی ٹوئنٹی کی میزبانی ابوظبی کو ملی۔ذرائع نے بتایا کہ اب پی سی بی کے ابوظبی کرکٹ حکام سے معاملات طے ہو گئے ہیں، سری لنکا سے سیریز میں وہ مارکیٹنگ پر بورڈ سے کوئی رقم نہیں لے گا۔

، ریڈیو وغیرہ پر اشتہارات، ہورڈنگز وغیرہ کی فیس وہی دے گا، اس سے پی سی بی کو خاصی بچت ہو گی، اسی لیے سیریز کا آغاز ابوظبی ٹیسٹ سے کرنے کا فیصلہ ہوا اور دوسرا ڈے اینڈ نائٹ ٹیسٹ دبئی میں ہوگا، پہلے اس سے الٹ ہونا تھا، رواں سیریز کے 10میں سے 5 میچز کی میزبانی ابوظبی کو ملی ہے، اس میں 2 ون ڈے اور اتنے ہی ٹی ٹوئنٹی بھی شامل ہیں، دبئی میں صرف 2 میچز جبکہ اتنے ہی مقابلوں کا انعقاد شارجہ میں ہوگا، سیکیورٹی کلیئرنس کی صورت میں آخری ٹی ٹوئنٹی کا انعقاد لاہور کو کرنا ہے۔ ذرائع کا یہ بھی کہنا ہے کہ دبئی اور شارجہ کے ساتھ آئندہ پی ایس ایل کے میچز پہلی بار ابوظبی میں بھی ہوں گے، سیکیورٹی صورتحال اسی طرح بہتر رہنے کی صورت میں لاہور اورکراچی میں بھی میچز کا انعقاد کیا جائیگا۔

مزید : کھیل اور کھلاڑی