نوبل انعام یافتہ سائنسدان عبدالسلام کی زندگی پر دستاویزی فلم آئندہ ماہ ریلیز ہوگی

نوبل انعام یافتہ سائنسدان عبدالسلام کی زندگی پر دستاویزی فلم آئندہ ماہ ...
نوبل انعام یافتہ سائنسدان عبدالسلام کی زندگی پر دستاویزی فلم آئندہ ماہ ریلیز ہوگی

  


اسلام آباد(این این آئی)پاکستان کے پہلے اور اب تک کے واحد نوبل انعام یافتہ سائنسدان ڈاکٹر عبدالسلام کی زندگی پر بنائی جانےوالی دستاویزی فلم ’سلام ‘ کو آئندہ ماہ اکتوبر میں ریلیز کیا جائے گا۔

ڈاکٹر عبدالسلام کی زندگی و کامیابیوں پر بنائی گئی دستاویزی فلم کو آن لائن سٹریمنگ چینل ’نیٹ فلیکس‘ پر ریلیز کیا جائے گا’سلام‘ فلم کو ریلیز کرنے سے قبل متعدد عالمی فلم فیسٹیول میں پیش کیا جا چکا ہے اور فلم کو سراہا جا چکا ہے۔’سلام‘ کو ڈی، ایف ڈبلیو، جنوبی ایشین فلم فیسٹیول، جنوبی ایشین ہیومن رائٹس فیسٹیول، جنوبی ایشین عالمی فلم فیسٹیول اور ساؤتھ ایشین فلم فیسٹیول آف مونٹریال میں پیش کیا جا چکا ہے،دستاویزی فلم کو امریکا سمیت دیگر ممالک میں بھی پیش کیا جا چکا ہے۔دستاویزی میں ڈاکٹر عبدالسلام کی زندگی، ان کے سائنسی تجربات اور ان میں درپیش مسائل سمیت ان کی کامیابوں کو دکھایا گیا ہے۔ڈاکٹر عبدالسلام برٹش انڈیا میں 1926 میں پاکستان کے صوبہ پنجاب کے چھوٹے سے گاؤں میں پیدا ہوئے تھے۔ڈاکٹر عبدالسلام کا خاندان بہت بڑا تھا، تاہم اس کے باوجود انہوں نے اچھی تعلیم و تربیت حاصل کرکے اعلیٰ تعلیم حاصل کی۔ڈاکٹر عبدالسلام کو ان کی فزکس کی دنیا میں خدمات پر 1979 کو نوبل انعام دیا گیا تھا۔

مزید : تفریح


loading...