حکومت نے ایف اے ٹی ایف کی ایک اور کڑی شرط پوری کر دی

حکومت نے ایف اے ٹی ایف کی ایک اور کڑی شرط پوری کر دی
حکومت نے ایف اے ٹی ایف کی ایک اور کڑی شرط پوری کر دی

  


اسلام آباد (ڈیلی پاکستان آن لائن ) حکومت پاکستان نے ایف اے ٹی ایف کی ایک اور کڑی شرط پوری کر دی جس کے تحت سونے کے زیورات اور جواہرات کا لین دین دستاویزی بنانے کا فیصلہ کر لیا ہے۔

تفصیلات کے مطابق دہشت گردوں تک سونے اور زیورات کی منتقلی روکنے کا ہدف، ایف اے ٹی ایف کی ایک اور شرط پوری کر دی گئی۔ جیولرز سے طلائی زیورات و جواہرات کے لین دین کی تفصیلات طلب کر لی گئیں۔پہلے مرحلے میں فیڈرل بورڈ آف ریونیو کے اسلام آباد آفس نے وفاقی دارالحکومت کے جیولرز کو نوٹس جاری کر دیئے ہیں، غیر رجسٹرڈ جیولرز کو سیلز ٹیکس رجسٹریشن کرانے کی ہدایت کی گئی ہے، جیولرز کو سات دن کے اندر نوٹسز کا جواب دینا ہو گا۔جیولرز کو کاروبار کی مکمل تفصیلات، اپنے شناختی کارڈ نمبر، کاروباری شراکت داروں اور رابطہ نمبرز ایف بی آر کو دینا ہوں گے، جیولرز سے ان کے تمام بنک اکاو¿نٹس، کاروبار کی برانچز اور پاسپورٹ کی تفصیلات بھی طلب کی گئی ہیں، نوٹسز کا جواب نہ دینے پر سیلز ٹیکس ایکٹ کے تحت کارروائی اور بھاری جرمانہ ہوسکتا ہے۔

مزید : قومی


loading...