کوسٹ گارڈزکی کاروائی بین الاقوامی اسمگلر ز گرفتار

کوسٹ گارڈزکی کاروائی بین الاقوامی اسمگلر ز گرفتار

  

کراچی (اسٹاف رپورٹر)پاکستان کوسٹ گارڈز نے بین الاقوامی اسمگلر جان محمد عرف جعفر اوراس کے بیٹے کو گوادر میں احاطہ عدالت سے گرفتار کریلا ہے۔ترجمان کوسٹ گارڈز کے مطابق پاکستان کوسٹ گارڈز اپنی ذمہ داری کے علاقے میں غیر قانونی کاروبار اورمنشیات اسمگلنگ کرنے والوں پر کڑی نظر رکھی ہوئی ہے جس کے نتیجے میں پاکستان کوسٹ گارڈز کے جوانوں نے بین الاقوامی اسمگلر جان محمد عرف جعفر اور اس کے بیٹے قنبر کو گوادر میں عدالت کے احاطے سے گرفتار کر لیا۔واضح رہے کہ مذکورہ اسمگلرز بین الاقوامی سطح پر منشیات کی اسمگلنگ میں ملوث ہیں اور مختلف کیسز میں کوسٹ گارڈز کو مطلوب تھے۔ پاکستان کوسٹ گارڈز اس امر کا اعادہ کرتی ہے کہ مستقبل میں بھی اس طرح کی کاروائیاں تسلسل کے ساتھ جاری رہیں گی تا کہ وطنِ عزیز کو ان جیسے منشیات اسمگلروں سے نجات دلائی جا سکے اور اس مقصد کے حصول کے لئے تمام دستیاب وسائل کو بھرپور طریقے سے بروئے کار لایا جائے گا۔

مزید :

پشاورصفحہ آخر -