وزیر اعظم،سپیکر،وزیر اعلیٰ پنجاب کیخلاف تحریک عدم اعتماد

وزیر اعظم،سپیکر،وزیر اعلیٰ پنجاب کیخلاف تحریک عدم اعتماد

  

 لاہور  (مانیٹرنگ ڈیسک) اپوزیشن کی آج  ہونیوالی حکومت مخالف اے پی سی میں وزیراعظم عمران خان، سپیکر قومی اسمبلی اسد قیصر اور وزیراعلیٰ پنجاب سردار عثمان بزدار کے خلاف تحریک عدم اعتماد کی تجویز سامنے آگئی ہے۔ذرائع کے مطابق کہنا ہے کہ پاکستان پیپلز پارٹی کے چیئر مین بلاول بھٹو زرداری نے پارٹی قائدین سے مشاورت مکمل کر لی ہے، پیپلز پارٹی کی بڑی مشاورت سے بڑی تجاویز سامنے آگئیں، تجاویز کے مطابق وزیراعظم، سپیکر قومی اسمبلی اور وزیراعلیٰ پنجاب کے خلاف تحریک عدم اعتماد لائی جائے گی۔پیپلز پارٹی کی تجویز کے مطابق پاکستان پیپلز پارٹی (پی پی پی) اے پی سی میں تحریک عدم اعتماد  کی تجویز رکھے گی۔ تحریک کے پہلے مرحلے میں تحریک عدم اعتماد اور جلسے جلوس ہوں۔ذرائع کے مطابق وزیراعظم عمران خان اورسپیکر قومی اسمبلی اسد قیصر کیخلاف عدم اعتماد لائی جائے گی، وزیراعلیٰ پنجاب کو بھی تحریک عدم اعتماد کے ذریعے گھر بھیجا جا سکتا ہے۔ اے پی سی میں تجاویز رکھے گی، فیصلہ سب کے اتفاق سے ہی ہوگا۔ 

  تحریک عدم اعتماد  

مزید :

صفحہ اول -