سر پہ کچھ پھول سجا لوں تو چلوں | باقی صدیقی |

سر پہ کچھ پھول سجا لوں تو چلوں

میں کوئی رُوپ بنا لوں تو چلوں

شہر میں آج چراغاں ہی سہی

داغِ دل اپنے چھپا لوں تو چلوں

حادثے دم نہیں لینے دیتے

میں ذرا ہوش میں آ لوں تو چلوں

لوگ رونے کا سبب پوچھیں گے

میں کوئی بات بنا لوں تو چلوں

جانے کیا رنگِ تمنا ہو گا

شمعِ احساس بجھا لوں تو چلوں

ہے ابھی مجھ پہ زمانے کی نظر 

آخری تیر بھی کھا لوں تو چلوں

ابھی کچھ یاد ہے اپنی باقی

راہ سے خود کو ہٹا لوں تو چلوں

شاعر: باقی صدیقی

(شعری مجموعہ:کتنی دیر چراغ جلا )

Sar    Pe    Kuch    Phool     Sajaa   Lun To Chalun

Main    Koi    Roop    Banaa    Lun    To   Chalun

Shehr    Men    Aaj    Charaghaan    Hi    Sahi

Daagh-e- Dil   Apnay    Chhupaa    Lun    To   Chalun

Haadsay    Dam    Nahen    Lenay   Detay

Main    Zara    Hosh    Men    Aa    Lun   To   Chalun

Log    Ronay    Ka    Sabab    Poochhen   Gay

Main    Koi    Baat    Banaa   Lun   To   Chalun

Jaanay    Kaya    Rang -e- Tamanna    Ho   Ga

Shama -e- Ehsaas    Bujhaa    Lun   To   Chalun

Hay    Abhi    Mujh    Pe    Zamaanay    Ki   Nazar

Aakhri       Teer    Bhi    Khaa    Lun    To   Chalun

Abhi     Kuch    Yaad    Hay    Apni   BAQI

Raah    Say    Khud    Ko    Hataa    Lun  To   Chalun

Poet: Baqi    Siddiqui

مزید :

شاعری -رومانوی شاعری -غمگین شاعری -