باغبانپورہ، شہریوں نے 2 ڈاکوؤں کو پکڑ کر حوالہ پولیس کردیا
لاہور(کر ائم رپو رٹر)باغبانپورہ کے علاقہ مدینہ کالونی مہران پارک میں دو ڈاکو شہریوں کے ہتھے چڑھ گئے درگت بنانے کے بعد پولیس کے حوالے کر دیا گیا بتایا گیا ہے کہ دونوں ڈاکوؤں نے 22 اگست کو شہری محمدرمضان کے گھر لوٹ مار کی تھی، مدعی مقدمہ ایجنسی سے پٹرول ڈلوا رہے تھے کہ رمضان کی اہلیہ نے ملزموں کو شناخت کر لیا بتایا گیاہے کہ دونوں ڈاکو پولیس یونیفارم پہن کرگھرمیں داخل ہوئے تھے جن کی صدام اورعلی کے نام سے شناخت ہوئی۔ ایک ملزم علی سابق پولیس ملازم نکلا۔ موقع پر جمع ہونے والے شہریوں نے دونوں کو قابو کر لیا اور خوب درگت بنائی اطلاع ملنے پرپولیس موقع پر پہنچ گئی تاہم اہل علاقہ نے دونوں ڈاکوؤں کو پولیس کے حوالے کرنے سے انکار کردیا۔بعد ازاں پولیس اور شہریوں کے درمیان 2 گھنٹے مذاکرات کے بعد دونوں ڈاکوؤں کو تھانہ باغبانپورہ کے حوالے کر دیاگیا دونوں ڈاکو 22اگست کو رمضان کے گھر سے زیورات، نقدی اور موبائل فون چھین کر فرار ہو گئے تھے اور اس کے خلاف تھانہ باغبانپورہ میں اندارج مقدمہ کے لیے درخواست بھی جمع کرائی گئی تھی۔
