پی آئی اے کے بورڈ آف ڈائریکٹرز میں اہم تبدیلی، وفاقی سیکرٹری بھی شامل

  اسلام آ باد (آئی این پی)  ڈاکٹر جاوید غنی نے پی آئی اے بورڈ آف ڈائریکٹرز کی رکنیت سے استعفی دے دیا  جبکہ  ایک وفاقی سیکرٹری بورڈ میں شامل ہوگئے ہیں۔  نجی ٹی وی  کے مطابق  ڈاکٹر جاوید غنی نے پی آئی اے بورڈ آف ڈائریکٹرز کی رکنیت سے استعفی دے دیا ہے، ڈاکٹر جاوید غنی نے نجی وجوہات کے باعث استعفی دیا ہے۔ اسکے علاوہ نئے وفاقی سیکریٹری اکنامک افیئرز ڈویژن میاں اسد پی آئی اے کے بورڈ آف ڈائریکٹرز میں شامل ہوگئے ہیں، ڈاکٹر جاوید غنی کو حکومت نے حال ہی میں پرائیویٹ سیکٹر سے پی آئی اے بورڈ کے رکن کے طور شامل کیا تھا۔ خیال رہے کہ پی آئی اے انتظامیہ نے بورڈ آف ڈائریکٹرز میں تبدیلی سے متعلق اسٹاک ایکسچینج اور سیکورٹی ایکسچینج کمیشن کو تحریری طور آگاہ کردیا ہے۔
وفاقی سیکرٹری